SOI 2022 cover

Te kupu whakataki a te Minita

Te Reo | English

Hei Kāwanatanga e ū ana mātou ki te whakarite kia whiwhi ngā tāngatakatoa o Aotearoa i te āheinga ki te whakatinana i tō rātou pitomata, ā, kiarangatira te noho.

He nui ngā wā, e tutuki ai tēnei, me manawanui ki te whakamātau i ngā mahi rerekē, ā, me rite ki te urutau ki ngā matea e huri ana. 

E whakamana ana, e tauawhi ana hoki tēnei Tauākī Koronga i tēnei matea kia panoni. E whakatakoto ana i te aronga o Te Manatū Whakahiato Ora (MSD) mō ngā tau e whā e tū mai nei, me ngā kaupapa whanaketanga pāpori matua e whai ana te Kāwanatanga hei kokenga i taua wā. 

Mātua rā o ēnei kaupapa ko te hōtaka mahi Whakahounga Tokoora (Welfare Overhaul). E angitu au te whakahounga tokoora, me tareka e Te Manatū Whakahiato Ora te urupare ki te horanuku pāpori e panoni ana, ā, me whai rauemi e pai ai te tuku i ngā tautoko me ngā ratonga angitu, wawe, whakapiki mana hoki. 

E whakatakoto ana hoki tēnei tuhinga i te hōtaka whakaumu ka whāia e Te Manatū. Ka tautoko tēnei hōtaka i te whakahounga tokoora, ā, ka whakarite i a Te Manatū ki te whakatutuki i āna huanga rautaki. Ka whakapū hoki te whakapai i ngā wheako me ngā putanga o āna kiritaki me ō rātou whānau.

E whakamanawa ana au kei a Te Manatū te awhero me te āheinga ki te whakatutuki i tēnei panonitanga.

He tūranga pai tō Te Manatū ki te toro atu ki ngā hapori tino whakaraerae, otirā he tari āna kei te nuinga o ngā taone o Aotearoa, ā, he pakari āna whatunga. E taea ana e ia te mahi puta noa i ngā tari e tae atu ai te tautoko waiwai ki te hunga e tino matea ana, ā, me te wawe hoki o te mahi.

He nui noa atu ngā mahi hei mahi - inakoa mā ngā rōpū whakaraerae, tae atu ki te Māori, ngā iwi o Te Moana-nui-a-Kiwa me te hunga whirinaki roa ki te pūnaha tokoora. E matapae ana ko tā Te Manatū he:

  • pupuri i te aronga kaha ki te tautoko kia whiwhi mahi te tangata
  • para i ngā huarahi pakari mā ō tātou taiohi e puāwai ai rātou
  • tautoko i te hunga e mahi ana i ngā mahi i te taumata ā-rohe, ā-hapori hoki ki te mātua whakarite kia wātea te tautoko tika, i te wā tika, i te huarahi tika
  • whakapakari i ngā rangapūtanga, tae atu ki ngā whakahaere pāpori, ngā iwi, ngā rōpū ahumahi me te hapori, me te whānau ki te tautoko i te tangata i roto i ngā āhuatanga uaua, tuatini hoki.

Mā te huarahi rautaki e takoto mai ana i tēnei tuhinga, e whakapono ana au ka whakamau tonu a Te Manatū ki te ara, mā te whakamahi i te auahatanga me te manawa rahi ki te whakapai haere i a rātou e koke whakamua ana. 

Ko ngā mahi e whāia ana e Te Manatū ināianei e whakatakoto ana i te tūāpapa o tētahi anamata pai ake, tōkeke ake hoki mā ngā tāngata katoa o Aotearoa.

Tauākī a te Minita

E ngata ana au ki ngā kōrero takune o te rautaki kua whakatakotohia e Te Manatū Whakahiato Ora, ā, e kōtui tahi nei ki ngā kaupapa here me ngā paearu mahi o te Kāwanatanga.

Hōnore Carmel Sepuloni
Te Minita Whakahiato Ora me te Mahi
Hepetema 2022

Keep reading: