Te Pae Tata – Te Rautaki Māori me te Mahere Mahi
English | Te Reo
Ka whakatakoto a Te Pae Tata i te āhua o tā mātou whakatutuki i ngā putanga pai ake mā te Māori
Ko tō mātou tūruapō, kia pakari, kia haumaru, kia haumako, ka hohe hoki ngā whānau i roto i ō rātou hapori, me te pakari o te tuakiri me te pono ā-ahurea, otirā me te mana kaha o te whānau.
Mā te tāmau i te tirohanga ao Māori ki roto i tō mātou whakahaere e āwhina i a mātou kia whakaaro rerekē ki te āhua o te mahi tahi me te Māori. E hiahia ana mātou kia whai āheinga ā mātou kaimahi kia kaha te mahi mā te takitahi, te whānau, ngā hapū me ngā iwi, ahakoa kei hea, te āhua rānei o te hono mai ki a mātou.
Mō te Mana manaaki:
- Nā te hua o ā mātou mahi ka whakaponohia, ka whakautehia hoki mātou e te Māori. Ka whakarongo mātou, ā ka kore mātou e whakawā. Ka ngākau puare, ka matatika hoki mātou.
- Ka whakapau kaha ā mātou kaimahi me ngā kaiwhakarato i ā mātou ratonga, kia whakautetia, ā, kia whakaponotia rātou e te Māori. Ka whai pūkenga, mōhiotanga tōtika hoki ngā kaimahi, me te mōhio anō me pēhea te whai wāhi ki te whakapiki i ngā putanga mā te Māori.
- Ka tautokohia ā mātou kaimahi ki te whai i te reo Māori me ngā tikanga Māori, me te whakauruuru haere ki ngā kaupapa ā-whānau, ā-ahurea hoki/rānei, me ngā manakohanga. Ka whakanui mātou i ā rātou mahi me ngā whāinga.
Mō te Kotahitanga:
- Ka whakarite mātou i ngā hoatanga rangapū motuhenga ki te Māori. Ka tautokona te Māori kia arahina te hoahoa rātonga, kaupapa whakarato hoki ka whakaritea mō te Māori.
- Ka mārama ā mātou kaimahi me ngā kaiwhakarato i ā mātou ratonga ki te uara o ngā hononga ki te Māori, otirā ka motuhenga aua hononga. Ka tuitui ngā kaimahi i ngā hononga whaimana ki ngā hoa rāngai, ka noho hoki hei mema o ngā whatunga e hiahia ana i ngā putanga pai ake mā te Māori.
- E mārama ana mātou kei te mōhio te Māori he aha ngā āhuatanga whai hua mā te Māori, ā, ka tautoko mātou i te Māori ki te whai i te tino rangatiratanga. Ka ngana mātou ki te whakawhiti kōrero ki te Māori mō ngā take e pā ana ki te Māori.
Mō Kia takatū tātou:
- Ka tautoko mātou i ngā wawata a te Māori. Ka hāpai ake mātou, ka tautoko hoki mātou i ngā kaupapa tērā ka kitea te Māori e whanake ake ana, e tipu ake ana, hei Māori.
- Ka pai ake te mahi a ā mātou kaimahi me ngā kaiwhakarato i ā mātou ratonga, kia whiwhi ai te Māori i ngā tūranga mahi toitū, te tūwhena ahumoni, ngā whare tōtōpū, me ngā hononga hauora hoki.
Keep reading:
